ಚಿಟ್ಟೆ ಗುಂಪಾಗಿ

ಸಂಜೆ ಗೆಂಪಾಗಿ
ಚಿಟ್ಟೆ ಗುಂಪಾಗಿ
ನಿನ್ನಾ  ಮುತ್ತುವೆ.

ಗೊಂಬೆ ನಾನಾಗಿ
ಕಣ್ಣ ಮಿಂಚಾಗಿ
ನಿನ್ನಾ  ಸೆಳೆಯುವೆ

ನೀರ ಹನಿಯಾಗಿ
ಮೊದಲ ಮಳೆಯಾಗಿ
ನಿನ್ನ  ಮುಡಿಯಾಗುವೆ

ಮನೆಯ ಸಂಪಿಗೆಯಾಗಿ
ಬೀಸೋ ಗಾಳಿಗೆ ಬಾಗಿ
ನಿನ್ನ ಎಡತಾಕುವೆ

ಬುಟ್ಟಿದ್ ಬಿಟ್ಟು

ಬುಟ್ಟಿದ್  ಬಿಟ್ಟು ಬದಕೊದ್ ಹುಡ್ಕೋ
ಬಿಟ್ಟೋಳ್ನ್ ಯಾಕೆ ನೆನಸ್ತಿಯಾ,
ಚಿಕ್ಕ್ ದಾಗಿ   ಏನೋ ಮಾಡೇಳು ಹೋಗು
ಸ್ವಲ್ಪ ದಿನದಲ್ಲೇ ಸಾಯ್ತಿಯಾ

Buttid buttu badkad hudku
bittolnyake nensthiya
chikkadageno madel hogu
swaloopedindalle saythiya

ನಾನು ನೀನು

ನಾನೇ ಕವನ
ನೀ ಬರೆಯೋ ಕವಿ
ಪದಗಳಿಗೆಲ್ಲಾ ನನದೊಂದೇ ಅಹವಾಲು
ಸಿಗದಿರಲಿ ನಿನಗೆ ಮುಗಿಸೋ ಸಾಲು.

ನೀನೇ ದಾರಿ
ನಡೆಯೋ ಬಂಡಿ
ಉರುಳುತ್ತಾ ನಾ ನಡೆಯುವೆನು
ನೀ ಮುಗಿಯುವ ಭಯದಿ.

ನೀನೇ  ಜೈಲು
ನಾ ಬಿಡುಗಡೆಗೆ ಹೆದರುವ ಖೈದಿ
ನೀನೇ  ಸಮಯ
ನಾ ಮರಳಿ ಬರುವ ಯುಗಾದಿ .