ಇದ್ದಿದ್ದು ಇರೋದಿಲ್ಲೋ

ಇದ್ದಿದ್ದು ಇರೋದಿಲ್ಲೋ ತಮ್ಮ
ಇದ್ದಿದ್ದು ಇರೋದಿಲ್ಲೋ

ಇದ್ದಂಗಿರೋದಿಲ್ಲೋ ತಮ್ಮ
ಇದ್ದಿದ್ದು ಇರೋದಿಲ್ಲೋ

ನೆತ್ತಿಮ್ಯಾಗಿನ ಕೂದಲು
ಕಪ್ಪಗಿರೋದಿಲ್ಲೋ
ಹಂಗೆ ಬಿಟ್ಟ ಬೆಳ್ಳಿ ಕೂಡ
ಬೆಳ್ಳಗಿರೋದಿಲ್ಲೋ

ಆದಿಲ್ ಶಾಹ ಬಾದಶಾ
ಒಬ್ಬರು ಉಳಿದಿಲ್ಲೋ
ಮರದ ಮ್ಯಾಗಿನ ಚಂದ ಹಸಿರು
ಬ್ಯಾಸ ಗೀಗೆ ಬರೋದಿಲ್ಲೋ

ಇಂದಿನ ನಿನ್ನ ಬಾಳು
ನಾಳಿಗೆ ಇರೋದಿಲ್ಲೋ
ನಾಳಿಗೆ ಬರೋ ಗೋಳು
ನಾಡಿದ್ದಿಗೆ ಇರೋದಿಲ್ಲೋ ..

ಚಿಟ್ಟೆ ಗುಂಪಾಗಿ

ಸಂಜೆ ಗೆಂಪಾಗಿ
ಚಿಟ್ಟೆ ಗುಂಪಾಗಿ
ನಿನ್ನಾ  ಮುತ್ತುವೆ.

ಗೊಂಬೆ ನಾನಾಗಿ
ಕಣ್ಣ ಮಿಂಚಾಗಿ
ನಿನ್ನಾ  ಸೆಳೆಯುವೆ

ನೀರ ಹನಿಯಾಗಿ
ಮೊದಲ ಮಳೆಯಾಗಿ
ನಿನ್ನ  ಮುಡಿಯಾಗುವೆ

ಮನೆಯ ಸಂಪಿಗೆಯಾಗಿ
ಬೀಸೋ ಗಾಳಿಗೆ ಬಾಗಿ
ನಿನ್ನ ಎಡತಾಕುವೆ

ಬುಟ್ಟಿದ್ ಬಿಟ್ಟು

ಬುಟ್ಟಿದ್  ಬಿಟ್ಟು ಬದಕೊದ್ ಹುಡ್ಕೋ
ಬಿಟ್ಟೋಳ್ನ್ ಯಾಕೆ ನೆನಸ್ತಿಯಾ,
ಚಿಕ್ಕ್ ದಾಗಿ   ಏನೋ ಮಾಡೇಳು ಹೋಗು
ಸ್ವಲ್ಪ ದಿನದಲ್ಲೇ ಸಾಯ್ತಿಯಾ

Buttid buttu badkad hudku
bittolnyake nensthiya
chikkadageno madel hogu
swaloopedindalle saythiya

ನಾನು ನೀನು

ನಾನೇ ಕವನ
ನೀ ಬರೆಯೋ ಕವಿ
ಪದಗಳಿಗೆಲ್ಲಾ ನನದೊಂದೇ ಅಹವಾಲು
ಸಿಗದಿರಲಿ ನಿನಗೆ ಮುಗಿಸೋ ಸಾಲು.

ನೀನೇ ದಾರಿ
ನಡೆಯೋ ಬಂಡಿ
ಉರುಳುತ್ತಾ ನಾ ನಡೆಯುವೆನು
ನೀ ಮುಗಿಯುವ ಭಯದಿ.

ನೀನೇ  ಜೈಲು
ನಾ ಬಿಡುಗಡೆಗೆ ಹೆದರುವ ಖೈದಿ
ನೀನೇ  ಸಮಯ
ನಾ ಮರಳಿ ಬರುವ ಯುಗಾದಿ .

ಭೂಮಿಗೀತೆಗೆ ಕಿರಣ

ನೀನೇ ಪಲ್ಲವಿ
ನೀನೇ ಚರಣ
ಈ ಭೂಮಿಗೀತೆಗೆ

ನೀನೇ ಕಿರಣ

ಕನಸಾಗಿ ಕಣ್ಣಬಿಟ್ಟಾಗ,
ತಂಗಾಳಿ ತೂರಿಬಂದಾಗ
ನಿನ್ನ ನೆನಪು ಕಾರಣವಿರದೆ ನಗಿಸುತಿದೆ
ಈ ಜೀವ ಒಳಗೊಳಗೇನೆ ಕುಣಿಯುತಿದೆ 

ಸೊಗಸು ಎದುರು ಕಂಡಂತೆ
ಬಯಕೆ ಬಗಲು ಬಂದಂತೆ
ನೀ ಎದುರು ಹಾಗೆ ಬಂದು ನಿಂತಾಗ
ಈ ಎದೆಯೋಳಗೆಲ್ಲಾ ಏನೋ ಆವೇಗ

ಹೊಸದಾದ ದಾರಿ ಎದುರಲ್ಲಿ
ಬೆಳಕು ಇರದ ಇರುಳಲ್ಲಿ
ನೀ ನಗೆಯ ದೀವಿಗೆ ಹಿಡಿದು ಕರೆದಾಗ
ಜಗವೆಲ್ಲಾ ಹಾಗೇ ನಿಲ್ಲಲಿ ಏನೀಗ ?

ನೆನಪು

ನಿನ್ನೆಯ ನೆನಪನ್ನು ನಾಳೆಗೆ
ಹೊತ್ತುಕೊಂಡು ಬರುವೆ ನಾ ಕೂಲಿಗೆ
ಜೊತೆಯಲ್ಲೇ ಬರುವೆ
ಜತನದಲಿ ತರುವೆ
ಬೇಕಾದ ನೆನಪನ್ನು ಹೆಕ್ಕಿ
ಕ್ಷಣಮಾತ್ರದಲ್ಲೇ ಕೊಡುವೆ .....


ಗುಂಪಲ್ಲಿ ಕಲಹ ಮನೆಯಲ್ಲಿ ವಿರಹ
ಕಾವೇರಿರಲು  ವಿಷಘಳಿಗೆ
ನೆನಪಿಸುವೆ ಮನೆಯವರ ನೆರವು
ಜೊತೆ ನಿಂತ ಸ್ನೇಹಿತರ ಸಲಿಗೆ 

ಹೊಸದೊಂದು ಕಾರ್ಯ,  ನಡುಗಿರಲು  ಸ್ಥೈರ್ಯ
ಕಾದಿರಲು ಎದುರಲ್ಲಿ  ಸೋಲೇ
ಕಳೆದ ದಿನಗಳನ್ನೆಲ್ಲಾ ಅನುಭವವಗೊಳಿಸಿ
ಕೈಗಿಡುವೆ  ವಿಜಯದ ಮಾಲೆ


ನೀನೆದ್ದು ಬಂದಾಗ, ಮೇಲೆದ್ದು ಗೆದ್ದಾಗ
ಸುತ್ತೆಲ್ಲ ಮೊಳಗಿರಲು ನಗಾರಿ
 ಜಂಬವನು ಜಗ್ಗಿ, ಕಿವಿಯಲ್ಲಿ ಬಗ್ಗಿ  
ನೆನಪಿಸಿವೆ ನೀ ನಡೆದ  ದಾರಿ 

ಹೂಕ್ಕಿ ನೋಡು ಅಂತರಾಳ, ಒಲವೆ ಸಾಕ್ಷಿ!

"Karmoda Saridu" song from Mr & Mrs Ramachari film, simply enchants the listener both by its  amazing musical composition & its equally awesome lyrics!
I started listening to this often and then couldn't resist writing few lines of my own to the tunes of it.
And so, an update  to the blog follows!

ಜೊತೆಗೆ ಕೊನೆಯ ಬಾರಿ

ನಡೆದ ಹಳೆಯ ದಾರಿ

ನಿನ್ನ ಹೆಜ್ಜೆ ಗುರುತ ಮಾತ್ರ ಅಳಿಸುತಿಲ್ಲ

ಹೊಸ ಪ್ರಯಾಣ ಇಂದೇಕೋ

ಬಿಗು ದುಮ್ಮಾನ ಇಂದೇಕೋ

ಹತ್ತಿರವಾಯ್ತೆ...

ಕೊನೆಯ ನಿಲ್ದಾಣ......

ಒಲವ ಸಣ್ಣ ಹಣತೆ

ಇರುಳನ್ನು ಸೀಳದಾಯ್ತೆ

ಮೌನದಲ್ಲೇ ಹುದುಗಿಹೋದ

ಭಾವಗೀತೆ

ತಿಳಿ ಕಣ್ಣಲ್ಲಿ ಆವೇಶ

ಏನೋ ಮನದಲ್ಲಿ ಆಕ್ರೋಶ

ಮರೆತುಹೋಯ್ತೆ....

ಪ್ರೇಮದ ಸಂದೇಶ

ಒಮ್ಮೆ ಕಣ್ಣ ಮುಚ್ಚಿ

ಎಲ್ಲಾ ತೆರೆಯ ಕಳಚಿ

ಹೂಕ್ಕಿ ನೋಡು ಅಂತರಾಳ

ಒಲವೆ ಸಾಕ್ಷಿ

ಹಳೆ ವಿವಾದ ಮುದುಡಿಟ್ಟು

ಹೊಸ ಸಂವಾದ ಶುರುವಿಟ್ಟು

ಆರಂಭವಾಗಲಿ ...

ಸಂಸಾರದ ಉನ್ಮಾದ